PUNTATA NUMERO 3 - Le canzoni che no te se speti - Interpretazioni de quel mona de Maxino.
La ciamo cussì la rubrica? bu? intanto xe la puntata 3 :D
Verso metà dei anni '80, Lucio Dalla ga la sfiga de far fora el motor della sua barca. El se trova a Napoli e nol pol ripartir. Povero. Za no xe che stava mal coi bori eh.... però tipo come che se disi "piove sempre sul bagnato", oppur "el diavolo caga sempre sul mucio più grosso". O "El diavolo caga sul bagnato..." anzi no, questa forsi no esisti....
Bon insomma, el se fa fora el motor della barca, e caso ga voludo che questa situazion ghe porta a scriver una canzon che venderà 9 milioni de copie. Si... speta... dopo la ga rifatta Bocelli che venderà col disco "Romanza", altri 7 milioni, Pavarotti lo fa con cani e porchi... una delle canzoni più famose al mondo. Mi se sbuso una rioda voio veder se me capita la stessa roba.
Fatto sta che el se ritrova "costretto" in un albero a Sorrento, e el vien saver che in quel stesso albergo, in quella stessa suite, ga passado alcuni dei ultimi giorni de vita de un altro famoso cantante italian, che ghe darà el titolo a sta canzon...
CARUSO
La ciamo cussì la rubrica? bu? intanto xe la puntata 3 :D
Verso metà dei anni '80, Lucio Dalla ga la sfiga de far fora el motor della sua barca. El se trova a Napoli e nol pol ripartir. Povero. Za no xe che stava mal coi bori eh.... però tipo come che se disi "piove sempre sul bagnato", oppur "el diavolo caga sempre sul mucio più grosso". O "El diavolo caga sul bagnato..." anzi no, questa forsi no esisti....
Bon insomma, el se fa fora el motor della barca, e caso ga voludo che questa situazion ghe porta a scriver una canzon che venderà 9 milioni de copie. Si... speta... dopo la ga rifatta Bocelli che venderà col disco "Romanza", altri 7 milioni, Pavarotti lo fa con cani e porchi... una delle canzoni più famose al mondo. Mi se sbuso una rioda voio veder se me capita la stessa roba.
Fatto sta che el se ritrova "costretto" in un albero a Sorrento, e el vien saver che in quel stesso albergo, in quella stessa suite, ga passado alcuni dei ultimi giorni de vita de un altro famoso cantante italian, che ghe darà el titolo a sta canzon...
CARUSO
<<Qui dove il mare luccica
e tira forte il vento
su una vecchia terrazza davanti al golfo di Surriento>>
Un quadro, se inizia cussì. Tipo una specie de tuffo de sensazioni visive. Intanto xe notte, perchè el mar sta luccicando. Si podessi luccicar anche de giorno, go capì, però dopo se parla de luna quindi no ste romper le balle, XE NOTTE!! Tira forte el vento (se vedi che questi no sta a Trieste, noi disessimo... "ma si, xe bavisela") la vecchia terrazza xe quella che vedi Lucio Dalla, quella in cui XE Lucio Dalla. El se immedesima nel cantante, ma lo vedi ancora con tinte cinematografiche, in terza persona.
<<un uomo abbraccia una ragazza
dopo che aveva pianto>>
qua no se capissi ben se xe "l'uomo" ad aver pianto o se xe la ragazza, el soggetto xe fumoso, in ogni caso ga poca importanza, se capissi che sti due sta condividendo qualcossa de molto forte. No xe un uomo e una donna, xe un uomo e una ragazza. La leggenda narra appunto che Caruso se fossi innamorà de una sua allieva.
<<poi si schiarisce la voce e ricomincia il canto>>
La musica, e la sua forza. Caruso evidentemente, ai oci de Dalla, pensa de risolver i problemi con la musica. Pensa che la musica fazi passar tutto. Quindi el se prepara, el se s'ciarissi la vose, evidentemente vol continuar a consolarla con qualcossa de più efficace de un abbraccio (forsi la xe triste perchè lui ghe ga comunicà qualcossa, che se saverà dopo)
<<Te voglio bene assai
ma tanto tanto bene sai
e' una catena ormai
che scioglie il sangue dint' e' vene sai>>
El ritornel, in cui Dalla ciapa note pazzesche (no par, ma ciapa DO pieni e picchi de RE, robe disumane) xe un omaggio spudorato ad un classico della musica napoletana: "Dicitencello vuje", che musicalmente xe molto simile e el cui testo fa cussì :
Te voglio bene... Te voglio bene assaje...
Si' tu chesta catena
ca nun se spezza maje!
Da napoletan DOC quale iera Caruso, nol pol non averghe cantà proprio quella canzon, poi in quell'atmosfera de luccichio, terrazzone antico sul golfo, lui che fa el figon con la muleta pena tornà dalla tournè in America... ah no po'.
<<Vide le luci in mezzo al mare
pensò alle notti la in America
ma erano solo le lampare
e la bianca scia di un'elica>>
El se gira per vardar el panorama, che evidentemente xe completamente diverso da quel delle tournè negli Stati Uniti (dopo l'ultima, in Nord America, el ga iniziado a star mal, intorno al 1920) e le lampare, in mezzo al buio del mar ghe fa ricordar le luci americane. El sa che probabilmente nol ghe poderà tornar mai più. "E la bianca scia di un'elica"... frase apparentemente butada la, ma dopo ripresa con un significato che casca come un matton attraverso sto parallelismo. MA erano SOLO le lampare e la scia di un'elica. Quindi... iera una monada, qualcossa de effimero, qualcossa che sparirà... che domani mattina no sarà più... e quindi? E dopo vederè...
<<sentì il dolore nella musica
si alzò dal Pianoforte>>
Caruso gaveva nell'ultimo periodo della sua vita un'emorragia alla gola e successivamente una pleurite infetta. Quindi per un cantante xe una specie de macigno. Dolore nella musica. Sia fisico che psicologico quindi, secondo mi.
<<ma quando vide la luna uscire da una nuvola
gli sembrò più dolce anche la morte>>
Qua xe poesia, no xe che ocori che spiego. Però l'immagine de questa persona ricca, famosa, che sta per perder tutto e se consola guardando lo spettacolo della natura, cussì banale per tutti gli altri ma per lui, che forsi pol vederlo per l'ultima volta, diventa un capolavoro. Tanto che sta morte tutto sommato no par gnanche poi cussì mal.... se moro adesso va ben,
<<Guardò negli occhi la ragazza
quegli occhi verdi come il mare
poi all'improvviso uscì una lacrima
e lui credette di affogare>>
Anche qua, uscì la lacrima da chi? Bu? no se sa. Ma no xe importante, perchè, senza che nissun dei due disi niente, se sprigiona un'emozion fortissima. Forsi lui ghe ga dito a ela che el sta mal, che nol poderà più cantar, o vederla, forsi el morirà. Per quel la abbracciava? Per quel la pianzeva? Per quel la pianzi ancora probabilmente.
E xe talmente GRANDE l'impatto emotivo de quella piccola "lacrima" che lui la vedi enorme, tipo che "adesso me nego"...
<<Te voglio bene assai
ma tanto tanto bene sai
e' una catena ormai
e scioglie il sangue dint'e vene sai
Potenza della lirica
dove ogni dramma e' un falso
che con un po' di trucco e con la mimica
puoi diventare un altro>>
Lui, cantate de opera, ga recità mille ruoli, ga fatto mille parti e pol far finta de esser una persona diversa, magari più siura, meno fragile. E invece...
<<Ma due occhi che ti guardano
così vicini e veri
ti fanno scordare le parole
confondono i pensieri.>>
Tutta la professionalità no iuta. Con tutto quel amor reale te se dimentichi addirittura le parole delle canzoni. Xe come dir che xe talmente forte che no te rivi a far gnanche quel per cui te son diventà famoso, gnanche la tua specialità.
<<Così diventò tutto piccolo
anche le notti la in America
ti volti e vedi la tua vita
come la scia di un'elica>>
Concerti negli Stati Uniti, celebrità, successo, no xe niente. Sparissi tutto di fronte a sentimenti cussì vicini e presenti. Te se giri indrio a vardar la tua vita e te la vedi... come nella strofa sora, "come la scia di un'elica"... quindi, come disevimo, qualcossa che pol esser anche intenso, ma che te sa che sta andando via, che domani non te lo troverà più....
<<Ma si, e' la vita che finisce
ma lui non ci pensò poi tanto
anzi si sentiva già felice>>
"Ma si"... se te lo vedi come lo fa Dalla dal vivo te capissi el vero senso. Cioè alza la spalla... come a dir "ma cos'te vol che sia"... tutta una carriera no val questi momenti. El xe la con la luna che spunta drio la nuvola, con la sua musica, fanculo a tutti, xe una persona felice. Affacciado alla città in cui el xe nato, sentado al pianoforte, fazendoghe alla sua amata el regalo più grande... le sue ultime ore de vita, un ultimo concerto privato, una irripetibile serenata che solo lori due gaverà sentì.
<<...e ricominciò il suo canto>>
Per mi no xe una canzon, mi la vedo cussì:
Caruso - "Regia" di Lucio Dalla - 1986 - Bianco e nero