Betty, Fabio e Carlotta, una serata strana.
La picia ghe chiedi al papà come la xe nata.
A quel punto un papà qualsiasi pol dirghe che lui e la mamma se ga abbraccià, o che i ga fatto una roba che se ciama "l'amor", o contarghe storie de api e pollini, o andar anche sul scientifico, tanto i fioi miga se sciocca...
Ma ai fioi ghe piasi le favole, ghe piasi le storie.
Cossa ghe ne frega a Carlotta del pene, della vagina, dell'ovulo... che storia fiapa!
E allora Fabio, racconta la storia più bella del mondo, dal punto de vista del papà, quindi non necessariamente inventando cazzade, ma traducendo in musica le sue sensazioni dell'arrivo della picia.
La famiglia Concato, (Piccaluga in realtà, Concato xe el nome d'arte "eredità artistica" dei genitori de Fabio, cantanti lirici) con luce del comodin accesa, xe tutta la riunida.
FIORE DI MAGGIO
Per continuar a legger clicca su READ MORE
La picia ghe chiedi al papà come la xe nata.
A quel punto un papà qualsiasi pol dirghe che lui e la mamma se ga abbraccià, o che i ga fatto una roba che se ciama "l'amor", o contarghe storie de api e pollini, o andar anche sul scientifico, tanto i fioi miga se sciocca...
Ma ai fioi ghe piasi le favole, ghe piasi le storie.
Cossa ghe ne frega a Carlotta del pene, della vagina, dell'ovulo... che storia fiapa!
E allora Fabio, racconta la storia più bella del mondo, dal punto de vista del papà, quindi non necessariamente inventando cazzade, ma traducendo in musica le sue sensazioni dell'arrivo della picia.
La famiglia Concato, (Piccaluga in realtà, Concato xe el nome d'arte "eredità artistica" dei genitori de Fabio, cantanti lirici) con luce del comodin accesa, xe tutta la riunida.
FIORE DI MAGGIO
Per continuar a legger clicca su READ MORE
<<Tu che sei nata dove c'è sempre il sole
sopra uno scoglio che ci si può tuffare>>
l'incipit della canzon trai un po' in inganno. La maggior parte delle persone ga una vaga idea del fatto che la canzon xe dedicada alla fia e bonanotte.
Quindi TU CHE SEI NATA... sarà la fia!
E invece no! Nelle strofe el parla con la moglie Betty, e appena nei ritornei cambia el suggetto e el "TU" diventa Carlotta.
<<e quel sole c'è l'hai dentro al cuore
sole di primavera>>
Ti, te son nata (al contrario de mi, che son de Milano) in un posto de mar. Per un che vivi in città el solo pensier che te possi abitar in un posto dove te se pol tuffar da un scoio, senza far 50km de macchina, xe UFO. Tanto che questa roba te se la porti dentro, xe una luce che te segui. "Dentro al cuore", sole di primavera.
Che xe el più bel, quel che no scalda tanto da odiarlo, e no xe quel che te brami perchè fa freddo. Xe quel che rendi quella stagion unica e amada da tutti.
<<su quello scoglio in maggio è nato un fiore>>
ecco perchè se capissi che non sta parlando con la fia. "Su quello scoglio", nel posto magnifico dove ti te son nata, a maggio xe nato un fior. "Un fiore" xe spiegà dopo...
<<E ti ricordi c'era il paese in festa
tutti ubriachi di canzoni e di allegria>>
La situazion xe de estrema positività intorno. Xe una delle giornade più fighe della storia. Xe sol che no brusa, xe la spiaggia, el paese in festa, tutti contenti che canta
<<e pensavo che su quella sabbia
forse sei nata tu
o a casa di mio fratello
non ricordo piu>>
qua xe sai figo. perchè non se sa de che cacchio che el parla. e xe questo che lo rendi reale. nol canta per el pubblico, el canta per la sua famiglia, che xe ovvio che i sa la question "casa di mio fratello". Mi go zercà e no go trovà nissun riferimento, nissuna intervista. Posso solo ipotizzar una roba... ela forsi xe nata su quella sabbia (quindi in una specie de paradiso, secondo lui) oppur.... "a casa di mio fratello"??? e cossa vol dir? Magari la ga incontrada la la prima volta, a casa de suo fradel... ghe la gaverà presentada lui. "Nata" nella sua vita quindi. Questa vision me piasi, mi almeno la gavessi scritta cussì. Poi el "non ricordo più" xe figon perchè ironizza sul contrasto tra la poesia de un secondo prima e un s'ciafon de realtà de un attimo dopo. Una specie de "strizzada de ocio" con la moglie, mi la vedo cussì.
Qua cambia tutto. Fabieto se gira verso la picia, che evidentemente sta seguindo sta storia con apprension e col sorrison...
<<E ci hai visto su dal cielo
ci hai trovato e piano sei venuta giù>>
Carlotta, prima de nasser, iera in ciel. Vardava sua mamma e suo papà la zo, sulla spiaggia, mentre intorno xe la festa del paese. I xe la e i se ama. Ela li vedi, li "trova", li scegli... eccoli!! e la decidi de scender dal ciel per andar de lori.
<<un passaggio da un gabbiano
ti ha posata su uno scoglio ed eri tu>>
non la porta la solita cicogna, e gnanche un cavolo volante. ma un'elegante figura bianca, tipica dei posti de mar... el gabbian. Ali bianche, scendi dal ciel e ghe da un passaggio, elementi che riconduci all'immagine dell'angelo... la posa sul scoio.... "ed eri tu".
Su quella frase vedo la picia coi oci sgranai. Xe la storia più bella che la ga mai sentì.
<<Ma che bel sogno era maggio e c'era caldo
noi sulla spiaggia vuota ad aspettare>>
"Sogno". Un bel sogno. Se tutti nassessi cussì.
Lori due me li vedo sentadi. Sulla spiaggia no xe nissun altro che lori, e i speta che rivi la loro picia, e la devi per forza rivar, visto che i xe in un posto meraviglioso, e nei posti meravigliosi succedi i miracoli.
<<e tu che mi dicevi guarda su quel gabbiano>>
Betty vedi el gabbian e ghe lo indica, la ga capì che xe rivado el momento. La ga visto le "due righette" sul test probabilmente. I xe ancora che i speta, i ga spetà tanto...ma adesso i sa che sta per succeder veramente e la xe emozionada
<<stammi vicino e tienimi la mano>>
E arriva de novo el ritornel, e de novo la musica cambia e te trasporta nel viaggio de questa piccola anima per arrivar nel nostro mondo, nelle loro vite.
E ci hai visto su dal cielo
ci hai trovato e piano sei venuta giù
un passaggio da un gabbiano
ti ha posata su uno scoglio ed eri tu
Tu che sei nata dove c'è sempre il sole
sopra uno scoglio che ci si può tuffare
e quel sole ce l'hai dentro al cuore
sole di primavera
su quello scoglio in maggio è nato un fiore
su quello scoglio in maggio è nato un fiore
Carlotta xe el "Fiore di maggio". La picia andarà a dormir con la storia più bella del mondo. Quella che suo papà se ga inventà, e che descrivi in maniera metaforica tutto quel che veramente xe successo, tutto quel che i ga veramente sentì, ma attraverso i oci della poesia.
Certo, Carlotta cresserà. La capirà da sè che le storie che contava suo papà iera romanzade. Che anche ela xe nata come tutti.
Ma sè andè a cucar el profilo de "Carlotta Piccaluga" vederè che sull'immagine de copertina xe una mula che se tuffa da un scoio.
"Sopra uno scoglio che ci si può tuffare"... come a ringraziar suo papà per aver nutrido i suoi sogni, e per averghe fatto immaginar el suo arrivo in questo mondo, sulle bianche ali de un gabbian.