Un ateo che parla con Dio.
E ghe disi che nol esisti.
Un poco paradossale ma interessante.
O xe uno che se vanta col suo pubblico del fatto che xe un ateo... oppur xe proprio un che ghe brusa el fatto che nol ghe sia.
E ghe brusa dai anni 80. Dall'83 per precision, col zigava "portatemi Dio, lo voglio vedere, gli devo parlare, gli voglio raccontare di una vita che ho vissuto e che non ho capito".
E dopo quasi 30 anni evidentemente nissun ghe lo ga portà, o non lo ga cercà abbastanza, o chissà... fatto sta, che nonostante i 60 anni, lui xe ancora e irrimediabilmente depresso. Ma oramai xe quasi un vanto.
MANIFESTO FUTURISTA DELLA NUOVA UMANITA'
Per continuar a legger clicca su READ MORE
E ghe disi che nol esisti.
Un poco paradossale ma interessante.
O xe uno che se vanta col suo pubblico del fatto che xe un ateo... oppur xe proprio un che ghe brusa el fatto che nol ghe sia.
E ghe brusa dai anni 80. Dall'83 per precision, col zigava "portatemi Dio, lo voglio vedere, gli devo parlare, gli voglio raccontare di una vita che ho vissuto e che non ho capito".
E dopo quasi 30 anni evidentemente nissun ghe lo ga portà, o non lo ga cercà abbastanza, o chissà... fatto sta, che nonostante i 60 anni, lui xe ancora e irrimediabilmente depresso. Ma oramai xe quasi un vanto.
MANIFESTO FUTURISTA DELLA NUOVA UMANITA'
Per continuar a legger clicca su READ MORE
All'interno de un disco dove el disi che "vivere non è facile", che "te lo voglio urlare... IO STO MAAALE...." spunta questo singolo, un poco assurdo, cantà strano. (no xe el solito Vasco, el fa la "voseta" tutto el tempo).
Go ciapà una canzon recentissima, si xe strano, no?
L'inizio xe ottimismo allo stato puro, un arcobaleno scoppiettante de vitalità e benessere.
<<La cosa più semplice
Ancora più facile
Sarebbe quella di non essere mai nato >>
Ecco la. Bongiorno. Però l'inizio spacca. Tipo el nonno che te racconta la favola. E la sa contar ben, perchè inizia con la morale. Col "senso generale".
Quindi te vedi che el xe combattù. Perchè xe casin, no riva a risolver, porteme Dio, lo voio veder, voio zigarghe de tutto, no lo trovo, e alora ghe parlo da qua e lo ciogo in giro. El me scolterà, i credenti disi cussì. Ma se nol esisti? O se el xe distante? Femo cussì... fazo el singolo, el videoclip, magari el xe... che ne so... a Massa Carrara... e lo vedi e me rispondi?
<<Invece la vita
Arriva impetuosa
Ed è un miracolo che ogni giorno si rinnova>>
La prima frase la ga cantada serio. Da Vasco. Qua inizia el Vasco che fa el mona. "La voseta" che disevo prima... la usa da sempre. In "Colpa d'Alfredo" ad esempio.... "mi puoi portare a casa questa sera?" (ghe fa el verso alla mula che el se vol ingrumar) o bona parte de "faccio il militare" (non siamo miiiiica gli americani)... tutta cantada strana.
Quindi el comincia a cior pel cul. Volessi non esser nato, ma la vita arriva impetuosa e no so come fermarla.
<<Ti prego perdonami ti prego perdonami
Ti prego perdonami se non ho più la fede in te>>
Qua xe interessante perchè xe allo stesso tempo un controsenso e una dimostrazion de consapevolezza. Te parlo ma no te esisti. Oppur te parlo perchè te esisti ma no te son quel che i me ga fatto creder fino a adesso.
<<Ti faccio presente che
È stato difficile
Abituarsi ad una vita sola e senza di te>>
Perchè i me gaveva dito che ti te ghe ieri. E che te gavessi fatto qualcossa... e invece? varda... "e te lo voglio urlare, IO STO MAAALE"....
<<Mi sveglio spesso sai
Pieno di pensieri
Non sono più sereno
Più sereno Com'ero ieri>>
E questo lo gavevimo capido, omo. El tono xe ancora quel della ciolta pel cul, anche se teoricamente no ga più senso. A meno che el tono ironico non stia a significar che effettivamente, nol iera sereno gnanche ieri...
(in "stupendo" questo malessere vien fora in maniera molto più cupa)
<<La vita semplice
Che mi garantivi>>
Chiaro che Dio non ghe ga mai garantì niente a Vasco in persona. Credo. Dopo no so. Forsi ghe ga confessà che el saria diventà el cantante più pagado d'Italia.. e lui ga fatto 1+1 e ga dito... "sarò felice". Ma xe el stesso sbaglio che ga commesso anche Kurt Kobain, Amy Whinehouse, Whitney Houston etc.
<<Adesso è mia però
È lastricataDi problemi>>
Adesso è mia. La vita. No xe più in man tua... e se go scelto de non farla finida come quei qua sora, la xe proprio un gran casin! "Lastricata" xe un bel termine... ricorda molto quella famosa frase riportada da Karl Marx... "la strada per l'inferno è lastricata di buone intenzioni". Che sia questo l'inferno che el sta passando? Non quel in cui xe i forconi che te sbusa, noooo.. quel xe leggende, xe superado. Un bel inferno moderno pol esser quel in cui non te ga bisogno de niente. Te pol aver tutto. E non te basta. Niente male... te pol ciapar "pause" de tutti i tipi, te pol distrarte. Dopo sarà sempre dei centri de recupero che tenterà de sistemarte. E dopo? Co te ga provà TUTTO, cos'te fa??
<<Ho l'impressione che
La cosa più semplice
Sarebbe quella di non essere mai nato>>
difatti se torna la....
<<In fondo la vita
È solo una scusa
È lei da sola che ogni giorno si rinnova>>
Xe una monada sta qua del miracolo che rinnova la vita. Semo noi stessi, vivendo che la rinnovemo. Vasco xe ateo ma xe un che ga dei valori.Xe criptico e per capirlo ghe vol scoltarlo parlar da normale, cioè magari in un'intervista, dove el ga spazio per spiegar meio i concetti.
<<Ti prego perdonami ti prego perdonami
Ti prego perdonami se non ho più la fede in te
Ti faccio presente che
Ho quasi finito
Ho quasi finito anche la pazienza che ho con me>>
Nol ghe la fa più. No me sopporto gnanche più a mi per come che stago, mi.. che mille volte go tentà de cavarme fora da sta merda in cui son...come te vol che te sopporto a ti che non te ga mai fatto niente per mi?
<<Sarà difficile
Non fare degli errori
Senza l'aiuto di
Di potenze Superiori>>
Adesso che lui non credi più el disi (no occorri che stago a spiegar che xe un'escalation de ironia al limite del bizzarro) che el ga tanta paura che el sbaglierà senza una guida. Ga el stesso valor de un che disi "ma quindi se Babbo Natale non esisti... non riceverò più nessun regalo in vita mia". Xe una frase fatta apposta perciò che te ghe disi... ma no... ma cos'te parli??
Ma semo quasi alla fine e no se ga ancora capido el senso del titolo...
MANIFESTO FUTURISTA (della nuova umanità? e cossa vol dir?)
Cossa ex el "manifesto del futurismo" originale?
Beh, xe una pubblicazion dei primi del 900 scritta da Filippo Tommaso Marinetti, in cui fondamentalmente se vol brusar tutto quel che iera prima, tutto quel che xe superà.
Qualche toco qua e la...
Nel punto 1... "Noi vogliamo cantare l'amore del pericolo" - vedi "voglio una vita spericolata"
Nel punto 2...."il coraggio, l'audacia e la ribellione" - vedi "siamo solo noi"
Nel punto 3...".... noi esaltiamo l'insonnia febbrile" - vedi "valium"
Nel punto 7 ... "la bellazza della lotta" - vedi "gli spari sopra"
etc ect etc
<<Ho fatto un patto sai
Con le mie emozioni
Le lascio vivere
E loro non mi fanno fuori>>
Questa farse val tutta la canzon. Val anche un disco. Disemo che per altri cantanti podessi valer una carriera.
Go lottà tanto nella mia vita. In cerca de pase, in cerca de quel che i me gaveva promesso, in cerca della felicità ("dov'è, questa felicità? fin la?! - Stupido Hotel) e niente, me son solo che rovinà la salute.
Quindi, muli, mi mollo! Digo quel che penso, mando in mona tutti, e vivo come che me vien. Sennò qua non ghe ne vegno fora.
Caro Dio, te informo che da oggi me rangio.
<<Sarà difficile
Non fare degli errori
Senza l'aiuto di
Di potenze Superiori>>
Riprendi el ritornel. Nel video, el treno sul quale i viaggia, passa davanti ad una croce luminosa e verso la fine, per qualche fotogramma se capissi dove che i sta andando. Verso un quadro che rappresenta una donna de cui se vedi solo che la vagina. "l'origine del mondo" de Courbet. Come a dir "Pensavimo che l'origine del mondo iera in Dio, invece la xe qua, sulla terra, e xe la che stemo andando". (no ste dir la frase "stemo andando tutti in mona" perchè in italian no la esisti)
<<Ho fatto un patto sai
Con le mie emozioni
Le lascio vivere
E loro non mi fanno fuori>>
El ripeti la frase. Evidentemente la ghe piaseva anche a lui.
"È dall'Italia che noi lanciamo per il mondo questo nostro manifesto di violenza travolgente e incendiaria col quale fondiamo oggi il FUTURISMO perché vogliamo liberare questo paese dalla sua fetida cancrena di professori, d'archeologi, di ciceroni e d'antiquari. Già per troppo tempo l'Italia è stata un mercato di rigattieri. Noi vogliamo liberarla dagli innumerevoli musei che la coprono tutta di cimiteri."
"Manifesto Futurista" - Marinetti - 1909
"Manifesto Futurista della Nuova Umanità" - Rossi - 2011
Che fora!